• Imprimeix

Gestion des servicis publics

Acció de Govern

Governar implique dirigir era accion politica e responsabilizar-se dera administracion e gestion de recorsi e servicis publics qu'afècten toti es encastres dera societat, damb er objectiu d'arténher un impacte sociau e economic positiu. Era accion de govèrn compòrte planificar, implementar e avalorar.

Es granes directritzes e politiques dera accion de govèrn se vertèbren e definissen a trauès de plans e programes, documents estrategics que concrèten er scenari de futur que se vò arténher e es accions que cau amiar a tèrme entà arribar-i. Es resultats e era qualitat des servicis publics s'avaloren mejançant auditories intèrnes e extèrnes. E era informacion estadistica ei fonamentau entà analisar, interpretar e avalorar era situacion e era evolucion ath long deth temps de multitud d'aspèctes economics, demografics e sociaus qu'influís sus era accion de govèrn.

Era divulgacion dera accion de govèrn se hè a trauès de campanhes de publicitat institucionau, e eth sistèma d'archius e gestion de documents de Catalonha garantís que tota era informacion generada se conserve e sigue a posita dera ciutadania.