• Imprimeix

Foncion publica

Qui trabalhe ena Generalitat?

Empleats públics

Es administracions publiques catalanes dispòsen en sòn conjunt d’ua plantilha de 300.000 trabalhadors publics. Era Generalitat compde damb apròp de 200.000 entà atier eth foncionament des servicis que li son pròpris. Era immensa majoria trabalhe es servicis d’atencion dirècta as persones, e son d’ensenhament, personau d’institucions sanitàries, o se dediquen ar encastre dera Administracion e es servicis. Laguens deth sector public, i a foncionaris de carrèra e interins, laboraus indefinidi e temporaus, e tanben personau directiu.

Dempús d’ací podetz accedir a informacion exaustiva sus era relacion de lòcs de trabalh des trabalhadors publics, guairi n’i a, a on trabalhen e es sues condicions laboraus. Laguens deth sector public, i a foncionaris de carrèra interina, laboraus indefinidi e temporaus, e tanben personau directiu. Disposaratz d’informacion sus es retribucions, convènis, representacion sindicau... Tanben podetz conéisher qui son es nauti cargues e eth personau directiu dera Generalitat e donades coma quines retribucions perceben, quin auviatge declaren, a que se dediquen professionaument, ath delà dera politica, e quines activitats son incompatibles entre se. Fin finau, aguesta seccion aufrís ua pòrta d’entrada ath foncionament des diferenti tipes de convocacions entà trabalhar ara Generalitat e a tota era informacion restacada damb es procèssi de seleccion de personau.