• Imprimeix

Informacion entà desvolopadors

Era arquitectura tecnologica deth servici de donades dubèrtes dera Generalitat de Catalonha consistís en hilat de compausants tecnologics que se tròben implicadi ua grana part deth servici, des dera dubertura des donades publiques enquiara sua explotacion e reutilizacion.

  1. Plataforma de donades dubèrtes: Er element centrau dera arquitectura ei era plataforma de donades dubèrtes, qu’utilize era tecnologia Socrata. Aguesta plataforma, a banda de foncionar coma un magasèm de donades, aufrís un seguit de servicis de donades dubèrtes que ne faciliten eth profitament e era reutilizacion. Entre es possibilitats que trobaratz ena plataforma de donades dubèrtes i a: consulta des donades, descarga en multiples formati, creacion de filtres e visualizacions de donades, e accès as donades via API REST.
  2. Hònts de donades: Era Administracion publica arrecep, genère e gerís ua grana quantitat de donades, que son emmagazinades en sistèmes d’informacion fòrça diuèrsi. Era Administracion trabalhe continualament entà publicar ena plataforma de donades dubèrtes totes aqueres donades des quaus dispòse, se non agen restriccions legaus entà publicar-se.
  3. Portau de donades dubèrtes: Eth Portau de donades dubèrtes aufrís accès ath catalòg e as donades a trauès deth web. Actuaument se tròben tant datasets penjadi ara plataforma Socrata coma datasets que s’i accedís mejançant ligams a d’auti webs dera Generalitat.
  4. Visualizacion de donades: Tant era madeisha Administracion publica coma es ciutadans e d’auti usatgèrs extèrnes pòden utilizar es donades disponibles ena plataforma de donades dubèrtes coma hònt d’informacion entà crear visualizacions interactives, mapes, cercaires o apps que s’actualizen en temps reau.

Eth catalòg de donades deth Portau de donades dubèrtes de Catalonha preten èster eth catalòg de referéncia entà localizar hònts de donades dubèrtes. Fòrça d’aguestes donades se tròben emmagazinades e disponibles en madeish Portau de donades dubèrtes de Catalonha, mès en auti casi tanben se tròben en forma de ligams a auti portaus mès especifics. Bèri uns d’aguesti portaus que conviuen damb eth Portau de donades dubèrtes de Catalonha son:  

Era plataforma de donades dubèrtes dera Generalitat de Catalonha utilize era tecnologia Socrata, que permet er usatge d’API. Eth madeish web de Socrata dispòse d’un gran ventalh d’articles, guides e recorsi adreçadi tant a desvolopadors experimentadi coma es mès inexpèrts. Ací vos deisham eth ligam: https://dev.socrata.com/.

Eth concèpte de reutilizacion dera informacion generada peth sector public hè referéncia ar usatge que ne pòden hèr persones, enterpreses e organizacions entà crear naui productes e/o servicis entà auti publics.

Es condicions d’usatge des conjunts de donades publicades en Portau de donades dubèrtes s’emparen ena nòrma en vigor aquiu sus: era Lei 37/2007, sus reutilizacion dera informacion deth sector public, modificada pera Lei 18/2015 (que transpause era Directiva 2013/37/UE), e era Lei 29/2010, d’usatge des mejans electronics en sector public de Catalonha, que regulen era dubertura de donades publiques e es condicions de reutilizacion. Parièrament, era Lei 19/2014, de transparéncia, accès ara informacion publica e bon govèrn, establís qu’era informacion publica pòt èsser reutilizat damb quin objectiu licit que sigue, mès que mès era reproduccion e divulgacion per quin mejan que sigue des donades objècti d’informacion publica e era creacion de productes o servicis d’informacion damb valor ahijuda basada en aguestes donades.

Era utilizacion des conjunts de donades publicades en Portau de donades dubèrtes supause era acceptacion d’aguestes condicions d’usatge.

 

Modalitats de reutilizacion deth Portau de donades dubèrtes dera Generalitat

 

Segontes es recomanacions dera Guía de reutilización del Proyecto Aporta deth Ministèri de Sciéncia e Tecnologia (Plan Avanza), se preven quate modalitats de reutilizacion dera informacion damb ues condicions d’usatge especifiques:

 

  • Generau. Sense cap sòrta de restriccion a part des condicions basiques establides en article 8 dera Lei 37/2007, modificat pera Lei 18/2015. Aguesta modalitat s’aplicarà per defècte a toti es conjunts de donades (datasets), a excepcion d’aqueri enes quaus s’indique ua modalitat diferenta. Veiguetz «Condicions d’usatge e licéncies d’aplicacion generau».
  • Es donades considerades òbres (damb drets de proprietat intellectuau) se meten a disposicion de tresaus per miei de licéncies Creative Commons, es de difusion mès dubèrta, que permeten tant era fin comerciau coma era creacion d’òbres derivades.
  • En determinadi casi, coma eth cas de fotografies hètes per tresaus, era licéncia de reutilizacion ei era licéncia Creative Commons de Reconeishença - SenseÒbraDerivada BY-ND, ei a díder, que se permete «er usatge comerciau dera òbra mès non era generacion d’òbres derivades».
  • Fin finau, s’establís ua modalitat damb sollicitud prealabla segontes es condicions dera entitat generadora, deth quau se facilitarà eth contacte entà acordar es tèrmes d’usatge especifics.

 

Condicions d'usatge e licéncies d'aplicacion generau

 

Aguestes condicions generaus permeten era reutilizacion des documents e donades que i son sometudi entà fins comerciaus e non comerciaus.

Era reutilizacion des donades e documents deth Portau de donades dubèrtes dera Generalitat son sometudi as condicions generaus següentes:

  • Qu’eth contengut dera informacion, includides esmetadonades, non sigue alterat.
  • Que non sedesnaturalize eth sens dera informacion.
  • Que se ne cite era hònt.
  • Que se mencione era data dera darrèra actualizacion.
  • Quan era informacion contengue donades de caractèr personau, era fin o es fins concrètes qu’ei possibla era reutilizacion futura des donades.
  • Quan era informacion, encara que se facilite de manèradissociada, contengue elements sufisents que poguen perméter era identificacion des interessadi en procès de reutilizacion, era proïbicion d’invertir eth procediment de dissociacion mejançant era addicion de naues donades obtengudes d’autes hònts.

Aguestes condicions s’apliquen de manèra generau a toti es conjunts de donades (datasets) deth Portau de donades dubèrtes, a excepcion d’aqueri conjunts de donades enes quaus s’indique especificaments ua auta licéncia.

 

Formules entara citacion dera hònt

 

Era Generalitat de Catalonha recomane aguesta formula de citació dera hònt des conjunts de donades per part des enterpreses o usatgèrs reutilizadors:

Hònt: Generalitat de Catalonha. [Nòm der organisme o entitat autonòma]

Se s’i includís aguesta cite en format HTML, podetz utilizar eth mercat següent, o similar:

Hònt des donades: Generalitat de Catalonha.

 

Era Secretaria de Transparéncia e Govèrn Dubèrt, coma organ competent ena matèria, lidere e coordine es projèctes d’integracion e dubertura de donades publiques, preste supòrt foncionau ena estrategia de publicacion de donades dubèrtes e promocion deth sòn usatge e profitament e s’aucupe dera gestion operativa deth Portau de donades dubèrtes. Podetz contactar-i mejançant eth formulari de contacte.

Er usatge en collaboracion dera informacion publica pòt dar lòc a ua transparéncia e contraròtle dera activitat publica mès granes, ath foment dera innovacion democratica e ara creacion de servicis e aplicacions que repercutissen positivament ena societat. En aguest sens, era actitud des persones interessades ena reutilizacion des donades publiques ei un factor clau, per açò...

...vos animam a:

  • Utilizar es conjunts de donades coma hònt de donades primàries, de sòrta qu’era actualizacion des donades enes vòstes visualizacions o aplicacions s’amie a tèrme automaticament. Es conjunts de donades dera plataforma de donades dubèrtes s’actualizen periodicament (jornalièrament o per periòdes mès longui de temps, en tot depéner de cada cas), donques, s’es vòstes aplicacions se referissen dirèctament ara adreça deth conjunt de donades disponibles ena plataforma, no vos calerà realizar cap accion pr’amor qu’era informacion dera vòsta aplicacion s’actualize.
  • Citar era origina e era autoria des conjunts de donades que deciditz utilizar entàs vòstes visualizacions o aplicacions.
  • Indicar explicitament, quan sigue possible, quines donades provien de hònts oficiaus, quines donades provien d’autes hònts e quines donades provien de calculs realizadi laguens o dehòra dera vòsta aplicacion.
  • Contactar damb nosati quan identificatz quin error que sigue, o informacion incorrècta o inconsistentenes donades que consultatz, e mandar-mos suggeriments s’auetz idèes sus coma melhorar eth servici.
  • Sollicitar-mos es datasetsque vos agradarie trobar ena plataforma de donades dubèrtes e avalorar e comentar aqueri que ja auem penjadi e vos agen estat utils.

...vos desaconselham:

  • Simularqu’era vòsta aplicacion ei un servici oficiau deth Govèrn.
  • Presentar es donades de manèra enganhosa o incorrècta, o hèr es donades fausses.
  • Utilizar aguest lòc entà fins ideologiques o politiques de partit; eth Portau de donades dubèrtes ei ua iniciatiua finançada damb sòs publics, non ei apropriat politizar-ne eth servici.
  • Hèr usatge des donades publiques daurides entà sostier a tèsis racistes, sexistes, homofòbeso que promòiguen o inciten era discriminacion o era violéncia.
  • Hèr usatge des donades publiques daurides entà sostier a ua activitat criminau o illicita.